VIDEO: અમદાવાદના રતનપોળ નાકા પર ટ્રાફિક સમસ્યા નિવારવા પ્રથમ આધુનિક રોટરી પાર્કિંગ બનશે

અમદાવાદ શહેરના અતિ વ્યસ્ત વ્યાપારી વિસ્તાર એવા રિલીફ રોડ પર પાર્કિંગની ગંભીર સમસ્યા નિવારવા   કોર્પોરેશનના મધ્ય ઝોન ઇજનેર વિભાગ દ્વારા એક મહત્વપૂર્ણ પહેલ કરવામાં આવી છે. આ યોજના હેઠળ રતનપોળના નાકા ખાતે શહેરનું સૌપ્રથમ આધુનિક રોટરી પાર્કિંગ ઉભું કરવાની કામગીરી હાલ ઝડપથી ચાલી રહી છે. આ સિસ્ટમની મુખ્ય વિશેષતા એ છે કે જ્યાં સામાન્ય રીતે માત્ર બે કાર પાર્ક કરી શકાતી હતી, ત્યાં હવે એક સાથે અંદાજે ૧૨ કાર પાર્ક કરી શકાશે. મર્યાદિત જગ્યામાં પાર્કિંગ ક્ષમતા છ ગણી વધારતો આ પ્રોજેક્ટ પૂર્ણ થતાં જ વેપારીઓ, ખરીદદારો અને મુલાકાતીઓ માટે પાર્કિંગ વધુ સુલભ અને સુરક્ષિત બનશે. આ આધુનિક વ્યવસ્થાથી રિલીફ રોડ પર ટ્રાફિકનું દબાણ ઘટશે અને સમગ્ર વિસ્તારની પાર્કિંગ સુવિધા વધુ સુગમ બનશે.