Video: બાઈકચાલકનું ડુક્કર આડું આવતા મોત

અમરેલીના રાજુલા તાલુકાના માંડળ ગામ પાસે એક વિચિત્ર અને દર્દનાક અકસ્માત સર્જાયો હતો, જેમાં માંડળથી રાજુલા માર્ગ પર પોતાના ઘરેથી દુકાન તરફ જઈ રહેલા બાઈક ચાલક સામે અચાનક જ ડુક્કર આડું ઉતરતા સર્જાયેલી ગંભીર ટક્કરમાં બાઈક ચાલકનું ઘટનાસ્થળે જ કરૂણ મોત નીપજ્યું હતું. ગઈકાલે બનેલી આ સમગ્ર ઘટના નજીકના સીસીટીવી કેમેરામાં કૈદ થઈ ગઈ હતી, જેના હૃદયદ્રાવક દ્રશ્યો સોશિયલ મીડિયા પર ભારે વાયરલ થતાં સમગ્ર વિસ્તારમાં અરેરાટી વ્યાપી ગઈ છે.