VIDEO : વિસનગરમાં સ્માર્ટ ટેક્નોલોજી ફોર મેડિકલ એન્ડ હેલ્થ સાયન્સ વિષય પર આંતરરાષ્ટ્રીય કોન્ફરન્સ યોજાઈ

મહેસાણા જિલ્લામાં વિસનગર સ્થિત સાંકળચંદ પટેલ યુનિવર્સિટી અને નેશનલ ફોરેન્સિક સાયન્સ યુનિવર્સિટી (NFSU), ગાંધીનગરના દ્વારા “સ્માર્ટ ટેક્નોલોજી ફોર મેડિકલ એન્ડ હેલ્થ સાયન્સ” વિષય  ઉપર આંતરરાષ્ટ્રીય કોન્ફરન્સનું આયોજન કરવામાં આવ્યું છે. આ સ્માર્ટ ટેકનોલોજી ફોર મેડિકલ એન્ડ હેલ્થ સાયન્સ કોન્ફરન્સમાં 1800થી વધુ વિદ્યાર્થીઓ અને તજજ્ઞોએ ભાગ લીધો હતો. 

આ કોન્ફરન્સ વિશે માહિતી આપતા એસકે યુનિવર્સિટીના ચેરમેન પ્રકાશ પટેલે જણાવ્યું હતું કે, આ કોન્ફરન્સમાં સ્વિટ્ઝર્લેન્ડ, અમેરિકા, પોર્ટુગલ જેવા વિકસિત દેશોના સ્માર્ટ ટેકનોલોજી ફોર મેડિકલ સાયન્સના 300થી વધુ નિષ્ણાતોએ પેપર રજૂ કરશે. વિસનગર સાંકળચંદ પટેલ યુનિવર્સિટીમાંથી શરૂ થયેલી કોન્ફરન્સ બાદ ગાંધીનગર NFSUમાં બે દિવસ કોન્ફરન્સ યોજાશે અને દેશ વિદેશના વિદ્યાર્થીઓ અને તજજ્ઞો પોતાનું જ્ઞાન   14 અને 15 બે દિવસ રજૂ કરશે. મુખ્ય કોન્ફરન્સ  ગાંધીનગર ખાતે ડિજિટલ હેલ્થ સિસ્ટમ્સ, વેરેબલ હેલ્થ ટેક્નોલોજી, પ્રેડિક્ટિવ એનાલિટિક્સ અને સ્માર્ટ મેડિકલ ઇનોવેશન્સ જેવા વિષયો પર ચર્ચા કરવામાં આવશે.