Video: મહારાષ્ટ્રના વાશિમમાં કોટન મિલમાં આગ, ધનજ બુદ્રુક ગામે અફરાતફરી

મહારાષ્ટ્રના વાશિમ જિલ્લાના ધનાજ બુદ્રુક ગામમાં આવેલી એક કોટન મિલમાં અચાનક ભીષણ આગ લાગવાની મોટી ઘટના સામે આવી છે. કોટન મિલમાં આગ ભભૂકી ઉઠતાની સાથે જ આસપાસના વિસ્તારમાં ભારે અફરાતફરી અને નાસભાગ મચી ગઈ હતી. ઘટનાની જાણ થતાં જ ફાયર બ્રિગેડની ટીમો તાત્કાલિક ઘટનાસ્થળે દોડી આવી હતી અને આગ પર કાબૂ મેળવવાની સઘન કામગીરી હાથ ધરી હતી. રૂનો જથ્થો મોટો હોવાના કારણે આગે વિકરાળ સ્વરૂપ ધારણ કર્યું હતું, જેને કારણે આકાશમાં ધુમાડાના ગોટેગોટા જોવા મળ્યા હતા. ફાયર ફાઇટરોની ભારે જહેમત બાદ આગને વધુ ફેલાતી અટકાવવાના પ્રયાસો ચાલુ છે, જોકે આ દુર્ઘટનામાં મોટાપાયે નુકસાન થયાની આશંકા છે.