GSTમાં ફેરફારના એંધાણ, ટેક્સ અધિકારીઓની ધરપકડ કરવાની સત્તા છીનવાશે?

GST વ્યવસ્થામાં મોટો ફેરફાર થવાની શક્યતા છે. કેન્દ્ર સરકાર GST અધિકારીઓને મળેલી સીધી ધરપકડ કરવાની સત્તા ખતમ કરવા અંગે વિચારણા કરી રહી છે. આ પ્રસ્તાવ પર 7 ઓક્ટોબરે મળનારી GST કાઉન્સિલની બેઠકમાં ચર્ચા થઈ શકે છે અને મંજૂરી બાદ GST કાયદામાં સંશોધન શિયાળુ સત્રમાં રજૂ થઈ શકે છે. હાલ ગંભીર ટેક્સ અપરાધો, નકલી બિલ, ખોટી ITC અને જાણીજોઈને કરચોરી જેવા કેસોમાં CGST એક્ટની કલમ 69 હેઠળ ધરપકડની જોગવાઈ છે. અધિકારીઓની સત્તાના કથિત દુરુપયોગ અને ઉદ્યોગ જગતની ચિંતાઓ વચ્ચે સરકાર આ ફેરફાર પર વિચાર કરી રહી છે. જોકે ગંભીર છેતરપિંડી સામે કડક કાર્યવાહી યથાવત રાખવાની સરકારની દિશા હોવાનું કહેવાય છે.