રાફેલ ઉડાવનાર પ્રથમ કાશ્મીરી મુસ્લિમ પાયલોટ, જેની બધે થઈ રહી છે ચર્ચા, શું ખરેખર Operation Sindoorનો હતા હિસ્સો

ભારતીય વાયુસેનાએ Operation Sindoorમાં મહત્ત્વપૂર્ણ ભૂમિકા ભજવી હતી, જેણે પીઓકેમાં લશ્કર-એ-તૈયબા, જૈશ-એ-મોહમ્મદ અને ટીઆરએફ જેવા આતંકવાદી સંગઠનોના મુખ્ય તાલીમ અને લોન્ચિંગ પેડ્સનો નાશ કર્યો હતો. આ દરમિયાન, એક કાશ્મીરી વ્યક્તિની ખૂબ ચર્ચા થઈ રહી છે. એવો દાવો કરવામાં આવી રહ્યો છે કે પાઇલટે રાફેલ ઉડાવ્યું અને આતંકવાદીઓના ઠેકાણાનો નાશ કર્યો. તે બહાદુર રાફેલ પાઇલટનું નામ વિંગ કમાન્ડર હિલાલ અહેમદ છે. તે રાફેલ ઉડાવનાર પ્રથમ કાશ્મીરી મુસ્લિમ પાઇલટ છે અને ઓપરેશન સિંદૂરમાં ભાગ લીધો હોવાનો દાવો સોશિયલ મીડિયામાં કરવામાં આવ્યો છે. જોકે આ ઓપરેશનમાં તેમની હિસ્સેદારી ની કોઈ સત્તાવાર પુષ્ટિ થઈ નથી, પરંતુ તેમની પ્રોફાઇલ અને અનુભવને ધ્યાનમાં રાખીને આ અટકળો સ્વાભાવિક છે.

રાફેલ સોદામાં તેમની મહત્ત્વપૂર્ણ ભૂમિકા
હિલાલ અહેમદ દક્ષિણ કાશ્મીરના અનંતનાગ જિલ્લાના છે. તેઓ 1988માં ભારતીય વાયુસેનામાં જોડાયા હતા અને તેમને મિગ-21 અને મિરાજ 2000 જેવા વિમાનોમાં 3000  અકસ્માત-મુક્ત ઉડાન કલાકોનો અનુભવ છે. તેમને વાયુસેના મેડલ અને વિશિષ્ટ સેવા મેડલ પણ એનાયત કરવામાં આવ્યા છે. 

હિલાલ અહેમદ રાફેલ સોદા અને તેની ડિલિવરીમાં મહત્ત્વપૂર્ણ ભૂમિકા ભજવી છે. હકીકતમાં, એર કમાન્ડો હિલાલ અહેમદ પેરિસમાં ભારતીય દૂતાવાસમાં એર-અતાશે તરીકે તૈનાત હતા.  વાયુસેનામાં મિરાજ 2000 ફાઇટર પાઇલટે રાફેલ ફાઇટર પ્લેન સોદા અને તેની અંતિમ ડિલિવરીમાં મહત્ત્વપૂર્ણ ભૂમિકા ભજવી છે. તેમણે  કોરોના સમયગાળા દરમિયાન પણ ફ્રેન્ચ સરકાર અને રાફેલ બનાવતી કંપની દસોલ્ટને સમયસર ફાઇટર જેટ પહોંચાડવાનો આગ્રહ કર્યો હતો.

સર્વપક્ષીય બેઠક અને રાજકીય પ્રતિક્રિયા
ઓપરેશન સિંદૂર પછી, ભારત સરકારે એક સર્વપક્ષીય બેઠક બોલાવી જેમાં તમામ મુખ્ય પક્ષોના નેતાઓએ ભાગ લીધો. આ બેઠક બાદ AIMIMના વડા અસદુદ્દીન ઓવૈસીએ પ્રેસને સંબોધિત કરતા કહ્યું કે પાકિસ્તાનને FATFની ગ્રે લિસ્ટમાં મૂકવું જોઈએ. યુકે અને યુએસ સાથે અમે જે વેપાર કરાર કરી રહ્યા છીએ તેમાં પાકિસ્તાન પ્રાયોજિત સંગઠનો પર પ્રતિબંધ મૂકવાની શરત હોવી જોઈએ. તેમણે કાશ્મીર ખીણમાં નાગરિક જાનહાનિ માટે વળતર, પૂંછમાં વિસ્થાપિત પરિવારોને મદદ અને સુરક્ષા ખર્ચમાં વધારો કરવાની પણ માંગ કરી.