BCCI એ IPL 2026ના બીજા તબક્કાનું શેડ્યૂલ કર્યું જાહેર, 8 ડબલ હેડર્સ મેચ

IPL ફેન્સની આતુરતાનો અંત આવ્યો છે. BCCI એ IPL 2026ના બીજા તબક્કાનું શેડ્યૂલ જાહેર કર્યું છે. અગાઉ 28 માર્ચથી 12 એપ્રિલ સુધી ચાલનારી પ્રથમ 20 મેચોનું શેડ્યૂલ જાહેર કરવામાં આવ્યું હતું. હવે 13 એપ્રિલથી 24 મે, 2026 સુધી ચાલનારા બીજા તબક્કાના મેચોનું શેડ્યૂલ જાહેર કરવામાં આવ્યું છે. આ તબક્કામાં લીગ તબક્કાની બાકીની 50 મેચો રમાશે. આ બીજા તબક્કાની મેચો દેશના 12 અલગ અલગ શહેરોમાં રમાશે. જેમાં બેંગલુરુ, મુંબઈ, ચેન્નાઈ, કોલકાતા, દિલ્હી, અમદાવાદ, હૈદરાબાદ, લખનૌ, જયપુર, ધર્મશાળા, રાયપુર અને ન્યુ ચંદીગઢનો સમાવેશ થાય છે. જેમ જેમ ટુર્નામેન્ટ તેના નિર્ણાયક તબક્કાની નજીક આવી રહી છે, તેમ તેમ પ્લેઓફ માટેની દોડ વધુ રોમાંચક બનશે.

X પર જુઓ

બીજા તબક્કામાં 8 ડબલ હેડર્સ

ટુર્નામેન્ટનો આ તબક્કો 13 એપ્રિલે શરૂ થશે. જેમાં સનરાઇઝર્સ હૈદરાબાદની ટક્કર  રાજસ્થાન રોયલ્સ સામે થશે. આ તબક્કામાં કુલ 8 ડબલ હેડર - અર્થાત્ એક જ દિવસે બે મેચ રમાશે. બપોરની મેચો 3:30 વાગ્યે શરૂ થશે, જ્યારે સાંજની મેચો સાંજે 7:30 વાગ્યે શરૂ થવાની છે. હોમ ગ્રાઉન્ડની વાત કરીએ તો, પંજાબ કિંગ્સ તેની હોમ મેચો ન્યુ ચંદીગઢ અને ધર્મશાલામાં રમશે. આ તબક્કા દરમિયાન ત્રણ મેચ ધર્મશાલામાં રમાશે. દરમિયાન રાજસ્થાન રોયલ્સ તેની ચાર હોમ મેચો જયપુરમાં રમશે. બીજી તરફ રોયલ ચેલેન્જર્સ બેંગલુરુની ત્રણ મેચ બેંગલુરુમાં અને રાયપુરમાં બે મેચ યોજાશે.  
પ્લેઓફ શેડ્યૂલ પછી જાહેર કરવામાં આવશે

જેમ જેમ લીગ સ્ટેજ તેના અંતિમ તબક્કામાં પહોંચશે તેમ તેમ દરેક મેચ ટીમો માટે 'કરો યા મરો' ની લડાઈ બની જશે. પોઈન્ટ ટેબલમાં જગ્યા બનાવી રાખવા માટે સખત સ્પર્ધા થવાની અપેક્ષા છે જેનાથી ચાહકોને હાઇ-વોલ્ટેજ ક્રિકેટનો આનંદ મળે તે સુનિશ્ચિત થાય છે. જોકે પ્લેઓફ મેચોના સ્થળો હજુ સુધી જાહેર કરવામાં આવ્યા નથી. BCCI ટૂંક સમયમાં આ અંગે અપડેટ જાહેર કરે તેવી અપેક્ષા છે. બધાની નજર હવે તેના પર છે કે આ બીજા તબક્કા દરમિયાન કઈ ટીમો શ્રેષ્ઠ પ્રદર્શન કરશે, પ્લેઓફમાં સ્થાન મેળવશે અને કોણ ટાઇટલની રેસમાં આગળ વધશે.