જે વિરાટ કોહલી ન કરી શક્યો તે શુભમન ગિલે કરી બતાવ્યું, ODI ક્રિકેટમાં 15 વર્ષ જૂનો વર્લ્ડ રેકોર્ડ તોડ્યો

ટીમ ઈન્ડિયાએ વેસ્ટ ઈન્ડિઝ સામે ત્રણ મેચની ODI સિરીઝ 2-1થી જીતી. ભારતીય કેપ્ટન શુભમન ગિલે આ સિરીઝમાં બેટથી તબાહી મચાવી હતી. ગિલે પહેલી ODIમાં શાનદાર સદી ફટકારી હતી, જ્યારે બીજી મેચમાં તેણે સૌથી ઝડપી બેવડી સદી ફટકારીને ઈતિહાસ રચ્યો હતો. જોકે તે ત્રીજી ODIમાં માત્ર 1 રન પર આઉટ થયો હતો, તેમ છતાં તેણે એક એવો સિરીઝ રેકોર્ડ બનાવ્યો જે અગાઉ કોઈ ભારતીય કેપ્ટને હાંસલ નહતો કર્યો. ગિલે ત્રણ મેચની ODI સિરીઝમાં કુલ 334 રન બનાવ્યા, જેનાથી 15 વર્ષ જૂનો વર્લ્ડ રેકોર્ડ તૂટી ગયો. પાકિસ્તાનનો બાબર આઝમ ટોપ-5 કેપ્ટનોની આ યાદીમાં સામેલ છે, પરંતુ વિરાટ કોહલી નથી.

શુભમન ગિલે વેસ્ટ ઈન્ડિઝની ODI સિરીઝમાં 334 રન બનાવીને ઈતિહાસ રચ્યો

વેસ્ટ ઈન્ડિઝ સામેની ત્રણ મેચની ODI સિરીઝમાં શુભમન ગિલે ત્રણ ઈનિંગ્સમાં કુલ 334 રન બનાવ્યા, જેમાં એક સદી અને એક બેવડી સદીનો સમાવેશ થાય છે. આ સમયગાળા દરમિયાન તેની બેટિંગ એવરેજ 167 હતી. આ શાનદાર પ્રદર્શન સાથે ગિલે ઝિમ્બાબ્વેના બ્રેન્ડન ટેલરના 15 વર્ષ જૂના વર્લ્ડ રેકોર્ડને તોડી નાખ્યો. ગિલ હવે ક્રિકેટમાં ત્રણ મેચની ODI સિરીઝમાં કેપ્ટન તરીકે સૌથી વધુ રન બનાવનાર ખેલાડી બની ગયો છે. આ સાથે તે બ્રેન્ડન ટેલર, બાબર આઝમ અને શાઈ હોપને પાછળ છોડીને યાદીમાં નંબર 1 બેટ્સમેન બની ગયો છે.

તે આ ફોર્મેટમાં ત્રણ મેચની શ્રેણીમાં 300 કે તેથી વધુ રન બનાવનાર વિશ્વનો માત્ર બીજો કેપ્ટન છે. ગિલ પહેલા વિરાટ કોહલીએ ત્રણ મેચની ODI સિરીઝમાં ભારતીય કેપ્ટન તરીકે સૌથી વધુ રન બનાવવાનો રેકોર્ડ બનાવ્યો હતો. કોહલીએ 2017માં ન્યુઝીલેન્ડ સામેની ત્રણ મેચની સિરીઝમાં 263 રન બનાવ્યા હતા. ગિલે હવે 334 રન બનાવીને આ રેકોર્ડ તોડ્યો છે.

ત્રણ મેચની ODI સિરીઝમાં કેપ્ટન તરીકે સૌથી વધુ રન

• શુભમન ગિલ (ભારત) - વેસ્ટ ઈન્ડિઝ vs 334 રન, 2026
• બ્રેન્ડન ટેલર (ઝિમ્બાબ્વે) - 310 રન vs ન્યુઝીલેન્ડ, 2011
• શાઈ હોપ (વેસ્ટ ઈન્ડિઝ) - 278 રન vs ભારત, 2026
• બાબર આઝમ (પાકિસ્તાન) - 276 રન vs ઓસ્ટ્રેલિયા, 2021
• કુરમ ખાન (યુએઈ) - 270 રન vs અફઘાનિસ્તાન, 2014