AIIMSના વિદ્યાર્થીએ સૂર્યોદયના અદભૂત નજારા સાથે હોસ્ટેલ રૂમની ઝલક બતાવી, VIDEO જોઈ તમે પણ સ્તબ્ધ થઈ જશો

ઝારખંડના દેવઘરમાં ઓલ ઈન્ડિયા ઈન્સ્ટીટ્યુટ ઓફ મેડિકલ સાયન્સ (AIIMS)માંથી MBBS કરી રહેલા વિદ્યાર્થીએ કેમ્પસમાં પોતાનો હોસ્ટેલનો રૂમ વીડિયો દ્વારા બતાવ્યો. વિદ્યાર્થીનો આ વીડિયો સોશિયલ મીડિયા પર વાયરલ થઈ રહ્યો છે. 45 સેકન્ડના આ વીડિયોનું ટાઇટલ છે - 'ઝારખંડમાં AIIMS દેવઘરના રૂમની મુલાકાત લો', જેને પોસ્ટ કર્યા પછી લાખો લોકોએ જોયો અને હજારો લોકોએ લાઈક કર્યો.

છોકરાએ પોતાનો રૂમ બતાવ્યો

વીડિયોમાં વિદ્યાર્થી દાવો કરે છે કે AIIMS દેવઘરમાંથી MBBS કરવા માટે તેની કુલ ફી 5,856 છે, સાથે તેણે કહ્યું હતું કે તે તેના સિંગલ-ઓક્યુપન્સી હોસ્ટેલ રૂમ માટે માત્ર 15 રૂપિયા ચૂકવે છે. વીડિયોમાં વિદ્યાર્થીએ હોસ્ટેલની અંદર ઉપલબ્ધ સુવિધાઓ પણ બતાવી છે અને કહ્યું છે કે રૂમની એક બાજુ તેની પાસે બેડ છે, ડ્રોઅર સાથે સ્ટડી ટેબલ છે, ટેબલની સાથે તેને આરામદાયક સ્વીવેલ ચેર પણ આપવામાં આવી છે. અને કપડા પણ ઉપલબ્ધ છે. વિદ્યાર્થીએ એમ પણ જણાવ્યું કે હોસ્ટેલમાં વીજળી સતત ઉપલબ્ધ છે, જેનું માસિક બિલ માત્ર 4 રૂપિયા છે. વિદ્યાર્થીએ વીડિયોમાં રૂમની બાલ્કનીમાંથી સૂર્યોદયનો અદભૂત નજારો પણ બતાવ્યો છે.   https://twitter.com/IndianTechGuide/status/1838576770184024160

સરકાર એક વિદ્યાર્થી પાછળ 1.7 કરોડ રૂપિયા ખર્ચે છે

વીડિયો વાયરલ થયા બાદ લોકોની કમેન્ટ્સ પણ આવવા લાગી. જેમાં એઈમ્સના અન્ય વિદ્યાર્થીએ તેની હોસ્ટેલ લાઈફ અને હોસ્ટેલમાં ઉપલબ્ધ સુવિધાઓ વિશે જણાવ્યું હતું. વિદ્યાર્થીએ કહ્યું, "જો તમે AIIMSમાં જોડાઓ છો, તો તમને એટલા બધા લોકો દ્વારા અભિનંદન મળશે કે તમે અભિનંદન લેતા થાકી જશો. કોણ એવી સંસ્થાનો ભાગ બનવા માંગશે નહીં જ્યાં સરકાર દરેક મેડિકલ સ્ટુડન્ટ પર 1.7 કરોડ રૂપિયા ખર્ચે છે?" વીડિયોને સોશિયલ સાઈટ X પર @IndianTechGuide નામના એકાઉન્ટથી શેર કરવામાં આવ્યો છે. જેને લગભગ 2 લાખ લોકોએ નિહાળ્યો છે.