કેનેડામાં 'ડે કેયર સેન્ટર'માં કાર ઘૂસતાં 1 બાળકનું મોત, રમી રહેલા 9થી વધુ બાળકો ઘાયલ
કેનેડાના ઉત્તરમાં સ્થિત રિચમંડ હિલમાં બુધવારે (11 સપ્ટેમ્બર) એક કાર અચાનક બાલવાટિકા (ડેકેયર)ની બારીને તો
કેનેડાના ઉત્તરમાં સ્થિત રિચમંડ હિલમાં બુધવારે (11 સપ્ટેમ્બર) એક કાર અચાનક બાલવાટિકા (ડેકેયર)ની બારીને તોડીને તેની અંદર ઘુસી ગઈ હતી. આ દરમિયાન કારે ત્યાં રમી રહેલા અનેક બાળકોને કચડ્યા હતા. આ ઘટનામાં એક બાળકનું મોત નિપજ્યુ હતું, જ્યારે 9 જેટલા બાળકો ઈજાગ્રસ્ત થયા હતા. આ બાળકોમાંથી અનેકની હાલત ગંભીર હોવાનું સામે આવ્યું છે.
નોટિંઘમ ડ્રાઇવ પાસે આવેલા ડે કેર સેન્ટરમાં બની ઘટના
કેનેડાની પોલીસ પાસેથી મળતી માહિતી મુજબ, આ ઘટના નોટિંઘમ ડ્રાઇવ નજીક ડે કેયર સેન્ટરમાં આ ઘટના બની હતી. આ ઘટના ઓન્ટારિયોના રિચમંડ હિલમાં 'યોંગ સ્ટ્રીટ' અને 'નોટિંઘમ ડ્રાઇવ' ની ખૂબ નજીક બની હતી, જ્યારે બાળકો બાલવાટિકામાં હાજર હતા. આ ઘટનામાં એક દોઢ વર્ષના બાળકનું મોત નિપજ્યું છે.
18 મહિનાથી 3 વર્ષ સુધીના બાળકો ઈજાગ્રસ્ત
આ અકસ્માતમાં 18 મહિનાથી ત્રણ વર્ષની વયના છ અન્ય બાળકો પણ ઈજાગ્રસ્ત થયા હતા, જેમાંથી એકની હાલત ગંભીર હોવાનું કહેવાય છે. આ સાથે જ બાલવાટિકાના ત્રણ કર્મચારીઓ પણ ઈજાગ્રસ્ત થયા હતા.
70 વર્ષીય ડ્રાઇવરની ધરપકડ
મળતી માહિતી મુજબ, આ કેસમાં એસયુવીના 70 વર્ષીય ડ્રાઇવરની ધરપકડ કરવામાં આવી છે. જોકે, પોલીસનું માનવું છે કે, આ ઘટના ઈરાદાપૂર્વક કરવામાં નહતી આવી પરંતુ એક ભૂલથી થયેલું કૃત્ય હતું. હાલ, સમગ્ર ઘટનાની તપાસ કરવામાં આવી રહી છે.
