VIDEO: વલસાડના ઉમરગામમાં બે બાળકોના પિતાએ દરિયામાં ઝંપલાવ્યું, શોધખોળ ચાલુ!

વલસાડ જિલ્લાના ઉમરગામ પાલિકા વિસ્તારમાં આવેલી હરિ રેસિડેન્સીમાં રહેતા એક બે બાળકોના પિતાએ અગમ્ય કારણોસર દરિયામાં ઝંપલાવી દેતા સમગ્ર પંથકમાં ચકચાર મચી ગઈ છે. વ્યવસાયે સારો મેકેનિકલ અનુભવ ધરાવતા આ વ્યક્તિએ ગઈકાલે સાંજે પરિવારને આ અંગે જાણ કરી હતી, જે બાદ બ્રિજ પરથી તેમનું બાઈક બિનવારસી હાલતમાં મળી આવ્યું હતું. ગઈકાલે રાત્રે અંધારું થઈ જવાના કારણે શોધખોળમાં કોઈ સફળતા મળી ન હતી, જેથી આજે વહેલી સવારથી જ ઉમરગામ પાલિકા અને નોટિફાઇડ વિભાગના જવાનોએ દરિયામાં વ્યાપક રેસ્ક્યુ ઓપરેશન હાથ ધર્યું છે. ઘરના મોભીએ અચાનક આવું અંતિમ પગલું ભરી લેતા નિર્દોષ પરિવાર પર જાણે આભ તૂટી પડ્યું છે અને પરિવારજનો ચિંતામાં ગરકાવ થઈ ગયા છે.