VIDEO: છોટાઉદેપુર: બોડેલી પંથકમાં ધીમીધારે અનરાધાર વરસાદ

છોટાઉદેપુર જિલ્લા સહિત બોડેલી પંથકમાં આજે વહેલી સવારથી જ મેઘરાજાએ ધીમીધારે પધરામણી કરી છે. છેલ્લા ૬ દિવસથી સતત વરસી રહેલા વરસાદથી સમગ્ર વિસ્તારમાં આનંદની લાગણી છવાઈ છે. આ વિસ્તારનો મોટાભાગનો ભાગ ખેતી પર નિર્ભર હોવાથી સમયસર અને ખેતીલાયક વરસાદ થતાં ખેડૂતોમાં ભારે રાહત જોવા મળી રહી છે. વરસાદને કારણે પાકને નવું જીવન મળતા ધરતીપુત્રોમાં હર્ષોલ્લાસ વ્યાપી ગયો છે.