VIDEO: સુરતના કાપડ માર્કેટમાં દુકાનદાર સાથેના વિવાદમાં આગ લગાવનાર પૂર્વ એકાઉન્ટન્ટની ધરપકડ

સુરતની શ્યામ સંગીની માર્કેટની દુકાનમાં આગ ચાંપનાર આરોપી વિનોદ સાવલેની પોલીસે ડિંડોલીથી ધરપકડ કરી છે. આરોપી અગાઉ જે દુકાનમાં એકાઉન્ટન્ટ તરીકે કામ કરતો હતો, ત્યાં તેના બાકી નીકળતા ૧૦,૦૦૦ રૂપિયા મુદ્દે માલિક સાથે સતત વિવાદ થયો હતો. આથી વેપારીને પાઠ ભણાવવા આરોપીએ દેવધના પેટ્રોલ પંપથી પેટ્રોલ ખરીદી મોડી રાત્રે દુકાન બહાર મૂકેલા સામાનમાં આગ લગાવી દીધી હતી. ઘટના બાદ પોતે ગુનામાં ફસાયો હોવાની જાણ થતાં જ આરોપી ફરાર થઈ રાજસ્થાન, અયોધ્યા અને વતન નાસતો ફરતો રહ્યો હતો. આખરે સુરત પરત ફરતા પોલીસે બાતમીના આધારે ડિંડોલી ફ્લાવર ગાર્ડન પાસેથી તેને ઝડપી પાડી આગળની કાર્યવાહી હાથ ધરી છે.