VIDEO: મહીસાગર: શ્રાવણના પ્રથમ દિવસે જ લુણાવાડા સહિત જિલ્લામાં ધોધમાર વરસાદનું આગમન

મહીસાગર જિલ્લામાં શ્રાવણ માસના પ્રથમ દિવસે જ મેઘરાજાએ મન મૂકીને વરસી જતાં ચારેય બાજુ ઉત્સાહભર્યો વરસાદી માહોલ જામી ગયો છે. વહેલી સવારથી જ જિલ્લાના તમામ આઠ તાલુકાઓમાં ક્યાંક ધોધમાર તો ક્યાંક ધીમી ધારે સાર્વત્રિક વરસાદ વરસતા ધરતીપુત્રોમાં ભારે આનંદ જોવા મળી રહ્યો છે. આ મેઘ મહેરના કારણે જિલ્લામાં ડાંગર, મકાઈ, સોયાબીન, કપાસ અને લીલા ઘાસચારા સહિત કુલ 1 લાખ 10 હજાર હેક્ટરમાં થયેલા વાવેતરને નવજીવન અને મોટો ફાયદો થયો છે. સમયસર સારો વરસાદ થવાથી પાક સારો થવાની આશા બંધાઈ છે અને ખેડૂતોના મોઢા પર ખુશી છવાઈ ગઈ છે.