VIDEO: સુરતમાં પાસોદરામાં બાળકનું સફળ રેસ્ક્યુ

સુરતના પાસોદરા વિસ્તારમાં આવેલી કૃષ્ણા રો-હાઉસ સોસાયટીમાં એક ચોંકાવનારી ઘટના સામે આવી છે, જ્યાં બેડરૂમનો દરવાજો અચાનક લૉક થઈ જવાથી માત્ર પાંચ મહિનાનું નાનું બાળક અંદર ફસાઈ ગયું હતું. આ અકસ્માતને કારણે પરિવારના સભ્યોમાં ભારે ગભરાહટ ફેલાઈ ગઈ હતી અને તાત્કાલિક મદદ માટે ફાયર બ્રિગેડને જાણ કરવામાં આવી હતી. ઘટનાની ગંભીરતાને ધ્યાનમાં રાખીને ફાયર વિભાગની ટીમ સમયસર ઘટનાસ્થળે પહોંચી હતી અને ભારે જહેમત બાદ બેડરૂમનો દરવાજો તોડી નાખ્યો હતો. ફાયર જવાનોએ સરાહનીય કામગીરી દાખવીને ફસાયેલા પાંચ મહિનાના બાળકનું હેમખેમ અને સુરક્ષિત રીતે રેસ્ક્યુ કર્યું હતું, જેનાથી પરિવારે રાહતનો શ્વાસ લીધો હતો.