BUDGET 2026: બજેટ બાદ શું સસ્તું થયું અને શું મોંઘું? જાણો તમારા ખિસ્સા પર કેવી અસર પડશે

નવી દિલ્હી: નાણામંત્રી નિર્મલા સીતારામને આજે સંસદમાં પોતાનું 9મું બજેટ રજૂ કર્યું છે. બજેટની જાહેરાતો સાથે જ અનેક વસ્તુઓના ભાવમાં ફેરફાર જોવા મળ્યો છે. સામાન્ય માણસ માટે સૌથી મોટો પ્રશ્ન એ જ હોય છે કે તેના રસોડાથી લઈને જીવનશૈલી સુધીની કઈ વસ્તુઓ સસ્તી થઈ છે. ચાલો જાણીએ બજેટ ૨૦૨૬ ના 'મોંઘા-સસ્તા' નું લિસ્ટ.

શું સસ્તું થયું?

બજેટમાં સ્વાસ્થ્ય સેવાઓને વધુ સસ્તી બનાવવા પર ભાર મૂકવામાં આવ્યો છે. નાણામંત્રીએ જાહેરાત કરી છે કે:

• કેન્સરની ૧૭ દવાઓ ના ભાવમાં ઘટાડો થશે.

• ડાયાબિટીસ (શુગર) ની દવાઓ પણ હવે સસ્તી મળશે.

• આ ઉપરાંત, અન્ય 7 ગંભીર બીમારીઓ માટે વપરાતી દવાઓના ભાવમાં પણ ઘટાડો કરવામાં આવ્યો છે.

મોબાઈલ, ઈવી અને ઈલેક્ટ્રોનિક્સ

ડિજિટલ ઈન્ડિયા અને પર્યાવરણને ધ્યાનમાં રાખીને સરકારે ટેકનોલોજી સાથે જોડાયેલી વસ્તુઓ સસ્તી કરી છે:

• મોબાઈલ ફોન: નવા બજેટ બાદ સ્માર્ટફોન ખરીદવા સસ્તા બનશે.

• EV બેટરી: ઇલેક્ટ્રિક વાહનોના વપરાશને પ્રોત્સાહન આપવા માટે તેની બેટરીના ભાવ ઘટાડવામાં આવ્યા છે.

• માઇક્રોવેવ ઓવન: ઘરવપરાશની ચીજવસ્તુઓમાં માઇક્રોવેવ ઓવન સસ્તું થશે.

• સોલર સાધનો: સૌર ઊર્જા સાથે જોડાયેલા સાધનો પણ સસ્તા કરવામાં આવ્યા છે.

 રમતગમત અને લાઈફસ્ટાઈલ

• સ્પોર્ટ્સ ગુડ્સ: રમતગમતના સાધનો સસ્તા થવાને કારણે બજારમાં તેની માંગ વધશે અને ખેલાડીઓને ફાયદો થશે.

• કપડાં અને લેધર પ્રોડક્ટ્સ: બજેટ બાદ કપડાં તેમજ ચામડાના જૂતા અને અન્ય લેધર પ્રોડક્ટ્સ સસ્તી થશે.

• બીડી: આ બજેટમાં સિગારેટ પર રાહત નથી મળી, પરંતુ બીડી સસ્તી થઈ છે.

 વાહનવ્યવહાર: સીએનજી (CNG) માં રાહત

વાહનચાલકો માટે રાહતના સમાચાર એ છે કે બાયોગેસ મિશ્રિત CNG હવે સસ્તી થશે, જેનાથી પ્રદૂષણ ઘટાડવામાં અને બળતણના ખર્ચમાં રાહત મળશે.

શું મોંઘું થયું? 

કેટલીક વસ્તુઓ પર વધારાના સેસ અને ડ્યુટીને કારણે કિંમતોમાં વધારો ઝીંકાયો છે:

બજેટમાં કેટલીક વસ્તુઓ પર ટેક્સ વધવાને કારણે તે મોંઘી થઈ છે:

• દારૂ: જે લોકો દારૂનું સેવન કરે છે તેમના માટે ખરાબ સમાચાર છે, કારણ કે દારૂ પરનો ટેક્સ વધારી દેવામાં આવ્યો છે.

• સ્ક્રેપ અને ખનીજ: ધાતુના ભંગાર (સ્ક્રેપ) અને અમુક ખનીજોના ભાવમાં વધારો થયો છે.

• ફ્યુચર એન્ડ ઓપ્શન ટ્રેડિંગ (F&O): શેરબજારમાં ટ્રેડિંગ કરનારાઓ માટે હવે F&O ટ્રેડિંગ કરવું મોંઘું પડશે.

• તમાકુ અને સિગારેટ: દર વખતની જેમ આ વર્ષે પણ પાન મસાલા, સિગારેટ અને તમાકુ ઉત્પાદનો પર 'હેલ્થ સેસ' વધારવામાં આવ્યો છે, જેનાથી આ વ્યસનકારી વસ્તુઓ મોંઘી થઈ છે.

સામાન્ય માણસ પર અસર

બજેટમાં દવાઓ સસ્તી થવી એ મધ્યમ વર્ગ માટે સૌથી મોટા આશીર્વાદ સમાન છે. જ્યારે રમતગમતના સાધનો સસ્તા થવાથી બાળકો અને ખેલાડીઓને મોટો ફાયદો થશે. નાણામંત્રીએ રોજગાર અને ઉદ્યોગો પર ભાર મૂકીને બજારમાં લિક્વિડિટી વધારવાનો પ્રયાસ કર્યો છે.

બજેટ ૨૦૨૬: એક નજરમાં (લિસ્ટ)