VIDEO: અમરેલીમાં બારે મેઘ ખાંગા! લાઠી-અમરેલી હાઇવે પર પાણી ફરી વળતા ૨ કિમી લાંબો ટ્રાફિક જામ; વાહનચાલકો અટવાયા

અમરેલી જિલ્લામાં મેઘરાજાએ પોતાનું રૌદ્ર સ્વરૂપ બતાવતા બારે મેઘ ખાંગા થયા હોય તેવી સ્થિતિ સર્જાઈ છે. ખાસ કરીને લાઠી પંથકમાં અનરાધાર વરસાદને પગલે જનજીવન પ્રભાવિત થયું છે. લાઠી-અમરેલી હાઇવે પર ટોડા ગામ નજીક રોડ પર વરસાદી પાણી ફરી વળતા મુખ્ય માર્ગ સંપૂર્ણપણે બંધ થઈ ગયો છે.ટોડાના પુલ પર પાણી આવી જવાથી વાહનોના થપ્પા લાગી ગયા છે. સ્થિતિ એટલી ગંભીર છે કે હાઇવે પર વાહનોની ૨ કિલોમીટર લાંબી કતારો જોવા મળી રહી છે. મુસાફરો ભારે મુશ્કેલીમાં મુકાયા છે. વહીવટી તંત્ર દ્વારા લોકોને સલામત રહેવા અને પાણીના સ્તર ઉતરે ત્યાં સુધી રસ્તો ટાળવા અપીલ કરવામાં આવી છે.