Video: ૧૦૦થી વધુ જર્જરિત ક્વાર્ટર્સ જોખમી બન્યા

છોટાઉદેપુર જિલ્લાના નસવાડી ખાતે નર્મદા નિગમ દ્વારા આશરે ૪૦ વર્ષ પહેલાં પાંચ એકર જમીનમાં બનાવવામાં આવેલા ૧૦૦થી વધુ સરકારી ક્વાર્ટર્સ હાલ અત્યંત જર્જરિત અવસ્થામાં હોવાથી ગમે ત્યારે ધરાશાયી થાય તેવી ભીતિ સેવાઈ રહી છે, જેમાં સૌથી ચિંતાજનક બાબત એ છે કે આ ક્વાર્ટર્સની પાછળ ખેતરો આવેલા હોવાથી ખેડૂતો આ જ જોખમી કેમ્પસમાંથી અવરજવર કરે છે અને જો કોઈ ઇમારત અચાનક તૂટી પડે તો મોટી જાનહાનિ થવાની શક્યતા છે; સરકાર દ્વારા જર્જરિત ઇમારતો ઉતારી લેવા અંગે અનેક પરિપત્રો બહાર પાડવામાં આવ્યા હોવા છતાં નર્મદા નિગમના અધિકારીઓ કોઈ કાર્યવાહી ન કરતા હોવાની ફરિયાદ સાથે કોઈ મોટી દુર્ઘટના સર્જાય તે પહેલાં તંત્ર તાત્કાલિક સ્થળ નિરીક્ષણ કરી આ જોખમી મકાનો ઉતારી લે તેવી સ્થાનિકો દ્વારા ઉગ્ર માંગ કરવામાં આવી રહી છે.