VIDEO: બરેલીમાં મુશળધાર વરસાદની એન્ટ્રી

ઉત્તર પ્રદેશના બરેલી શહેરમાં વાતાવરણમાં અચાનક પલટો આવ્યા બાદ મુશળધાર વરસાદ ખાબક્યો છે. લાંબા સમયના અસહ્ય ઉકળાટ અને ગરમી બાદ પડેલા આ વરસાદને કારણે સ્થાનિક લોકોને મોટી રાહત મળી છે અને સમગ્ર પંથકમાં ઠંડક પ્રસરી ગઈ છે. જો કે, આ અવિરત વરસાદને લીધે શહેરના કેટલાક નીચાણવાળા વિસ્તારો અને મુખ્ય માર્ગો પર પાણી ભરાવાની સમસ્યા શરૂ થઈ ગઈ છે. સામે આવેલા દ્રશ્યોમાં વાહનચાલકો હેડલાઈટ્સ ચાલુ રાખીને ધીમી ગતિએ પસાર થતા અને રાહદારીઓ છત્રી ઓઢીને જતા જોઈ શકાય છે. ઓફિસ અને શાળાના સમયે જ વરસાદ શરૂ થતાં ટ્રાફિકની ગતિ ધીમી પડી ગઈ હતી. હવામાન વિભાગે આગામી કલાકોમાં હજુ પણ હળવાથી મધ્યમ વરસાદની સંભાવના વ્યક્ત કરી છે.