ભગવાન રામે સીતાનો ત્યાગ કર્યો હતો; હું રામ મંદિરે નહીં જાઉં,' TMC સાંસદનું નિવેદન

સમાજવાદી પાર્ટીના વડા અખિલેશ યાદવ દ્વારા અયોધ્યામાં રામ મંદિરની મુલાકાત લેવાના પ્રસ્તાવ અને ત્યારબાદ ભાજપ તરફથી આવેલી પ્રતિક્રિયા વચ્ચે, તૃણમૂલ કોંગ્રેસના સાંસદ કીર્તિ આઝાદનું એક વિવાદાસ્પદ નિવેદન સામે આવ્યું છે. ભગવાન રામ અને માતા સીતાનો ઉલ્લેખ કરતા તેમણે કહ્યું કે તેઓ ક્યારેય રામ મંદિરની મુલાકાત લેશે નહીં. આ પાછળનું કારણ જણાવતા તેમણે કહ્યું કે, ભગવાન રામે માતા સીતાનો ત્યાગ કર્યો હતો, જ્યારે તેમણે 'અગ્નિ પરીક્ષા' પણ આપી હતી.પોતાના નિવેદનમાં કીર્તિ આઝાદે સવાલ ઉઠાવ્યો કે શું દેશના ૩,૨૦૦ કરોડ દેવી-દેવતાઓમાં ભગવાન રામ જ એકમાત્ર દેવતા છે? તેમણે કહ્યું, "હું ત્યાં ક્યારેય નહીં જાઉં, કારણ કે ભગવાન રામે પોતાની પત્નીનો ત્યાગ કર્યો હતો, ભલે તેમણે 'અગ્નિ પરીક્ષા' પાસ કરી લીધી હતી. તેમણે માતા સીતાને પોતાના ઘરમાંથી કાઢી મૂક્યા હતા. તો પછી મારે ત્યાં શા માટે જવું જોઈએ?"