Video: માતા-પિતાની અવગણના કરતા સંતાનો સામે સામાજિક જવાબદારી નિભાવવાની હર્ષ સંઘવીએ કરી અપીલ

મહેસાણાના વિજાપુર તાલુકાના રણાસણ ખાતે શ્રી બહુચર પાટીદાર વાડીના ઉદ્ઘાટન સમારોહમાં નાયબ મુખ્યમંત્રી હર્ષ સંઘવીએ સામાજિક વ્યવસ્થાને લઈને મોટું નિવેદન આપ્યું છે. તેમણે વૃદ્ધ માતા-પિતાને વૃદ્ધાશ્રમમાં મોકલતા સંતાનો સામે લાલબત્તી ધરી છે. હર્ષ સંઘવીએ અપીલ કરી કે જે સંતાનો પોતાના માતા-પિતાનું ધ્યાન રાખતા નથી, તેમને ગામના સામાજિક પ્રસંગોમાં આમંત્રણ ન આપવું જોઈએ. આવા સંતાનોનો સામાજિક બહિષ્કાર કરવાની દિશામાં પણ સમાજે વિચારવું જોઈએ તેવો હુંકાર તેમણે કર્યો હતો. કાળી મજૂરી કરીને સંતાનોને મોટા કરનાર માતા-પિતાની અવગણના કરવી એ ગંભીર સામાજિક પ્રશ્ન હોવાનું તેમણે જણાવ્યું હતું.